Tunayoyasadiki

Mwongozo wetu ni wa kimataifa. Kulimwengusha mambo ya dunia ni jambo linalotufurahisha, kwani hupunguza ubaguzi miongoni mwa binadamu. Hukaribisha pia mataifa na hurahisisha kuelea kwa umoja wa nchi za dunia, ambamo huzusha suala la kuanzisha, kwa kiwango cha dunia, mashirika yanayofanya kazi kiangavu na yanayochunguliwa. Ndiyo maana hatukubaliani na wale watangazaji wa habari wanawotumia neno la "wapinzani wa ulimwengushaji" bila kuchunguza kinaganaga msimamo wetu.

Bali hatukubali utandarizi (kufanya dunia iwe kijiji kimoja). Utandarizi huu ni namna ya kipekee inayotumiwa na wachumi wa biashara, wanasiasa na watangazaji wa habari kwa kuonyesha ulimwengu tuishimo kama tukio la kawaida lisiloweza kubadilika, kama upeo wa macho wa historia ya ulimwengu wenyewe.

Utandarizi ni chaguo, ni utashi wa watu fulani. Twatupilia mbali chaguo hili, twapinga na twakana kanakana utashi huu, kwani shabaha la utandarizi ni kuwafanya wachache watoe riziki kwa ulimwengu na wanufaike kwa matunda yake. Filosofia ya utandarizi ni kuwazuia binadamu kujiongoleza maisha. Tena uhuru wa kujitegemea wa jamii watekwa nyara na mtazamo wa ulimwengu kama jamii ya namnna moja.

Mbinu zenye dhurufu kwa siri zimechukua kiti cha ujeuri mkali zaidi kama ule wa utumwa, ukoloni na wa siasa nyingine mbovu kama zile za Taylor na Stakhanov.

Tangu zamani sana, wanaume na wanawake wamepigania ustahili wa binadamu, wamejitahidi ili mtu asiwe mbwa mwitu kwa mwenzake.

Siku hizi, lengo hili ambalo mara kwa mara limewahi kuzaa matunda manono linataabikwa, linasimamishwa na kupigwa vita na wale wanaojiteua kuwa "viongozi wa dunia" (kama wanavyojiita wenye kuhuzuria mkutano wa Davos). Msimamo huu unarudisha matendo ya karne ya 19 sasa mwanzoni mwa karne ya 21.

Mwongozo wetu ni wa kimataifa. Namna yetu ya kupinga mashirika ya kimataifa, hasa hasa Muungano wa Ulaya na Shirika la Biashara Ulimwenguni haiwezi kamwe kufananishwa na ubinafsi wa kiuzalendi. Wakati tunaposhambulia ukiritimba na ukosefu wa uangavu wa mashirika haya, tunaiunga mkono demokratia, hatutetei mfumo wa serikali-taifa. Si serikali-taifa ambayo inahodhi peke yake uhuru wa nchi. Uhuru huu unapaswa kujithibitisha kwenye madaraja ya chini ama ya juu ya serikali-taifa. Vile vile, heshima yetu kwa anuwai haina uhusiano wowote ule na upunguo wa thamani ya kila jamii. Twakuwa miongoni mwa wale wanaokubali umuhimu kamili baina ya kubaki na mizizi nyumbani na kufungua milango kwa ulimwengu. Jean Jaurès alishangaa na kusema : "Ukimataifa mchache wakubeba mbali na nchi ya asili yako, ukimataifa mwingi wakurudisha nyumbani". Nchi ya asili, kufuatana na maoni yetu, kama alivyoandika Cicero " pahali unapojihisi vizuri".

Upinzani wa utandarizi husababisha shughuli nyingi, shughuli zote hizi zikiwa muhimu na kutimizana. Tuliamua kuchagua ile inayotangaza maripoti ya wataalamu ili watu wengi wazijuwe, ziwahimize kwa kazi inayohitajika na ziwasaidie kuendeleza kazi hii. Watafiti wengine wamefuata mikondo ya njia hii. Twataja kazi za wenzetu hawa, kama zile za matimu bora sana ya Corporate Europe Observatory) na Focus on Global South (Bangkok). Kwa upande mwingine, hatutasita kushirikiana na wengine ili kazi yetu ifaidike.

Nyanza za kazi zi za utata. Utata huu unakuwa mgumu zaidi kutokana na usiri pamoja na ukosefu wa uangavu wa jinsi uamuzi unavyofanywa. Ni kwa hiari maandiko yanayoonyeshwa kama yenye kuongoza maisha yetu hayafahamiki kwa wengi kutokana na msamiati unaotumiwa pamoja na mifumo ya sentensi zenyewe. Kama vile maandishi haya nanavyoandikwa kisiri, yanazidisha ukosefu wa uangavu wa wenye kutoa uamuzi.

Tulipofungua Ofisi ya Utafiti, Ushauri na Maarifa kuhusu Utandarizi, tulikuwa na nia ya kusimbua maandiko, mapatano na maamuzi, nia ya kufasiri na kujulisha wote kazi hizi. Vile vile, tuna lengo la kueneza ufahamu huu kwa wale ambao hawafikiriwi, hasa hasa wakaaji wa nchi za kusini.

Kazi yetu i mchango. Tu tawi la kundi la kazi pana zaidi, kundi lishughulikalo na nyanja tofauti. Twaunga mkono kabisa utofauti huu. Nguvu za Ukimataifa wa wananchi zasababishwa na kuwa ukimataifa huu watupilia mbali mfumo wa zamani wa maukimataifa yaliyokuwa yanalazimisha wote kiimla kufuata mtindo wake. Sote twajua mtindo huu ulivyofeli. Tunategemea kuwa ndani ya ukimataifa Wishi letu ndani ya ukimataifa ni kutia mkazo kwenye mashabaha yake na kufuata mara chache iwezekanavyo masharti ya muundo na mpangilio wa mashirika.Kazi inayofaa yaweza kukamilika bila kukana utofauti baina ya watu. Mbinu hii i bora kuliko kufuata mfumo wa zamani unaotegemea tu uongozi wa juu. Hatujali ikiwa watu fulani husisitiza tofauti baina maoni yetu na yao, bila kutegemea uhususiano unaotukalibisha.

URFIG imekabidhi msaada mnono wa OXFAM-Solidarité ya Ubejiji, na Institut pour la Relocalisation de l'Economie ya Ufaransa. Mashirika mawili mengine, yaani Fondation France Liberté na Goldsmith Fondation yametuunga mkono. Profesa Pierre Bordieu pia ametutia moyo. Bila mashauri yake kazi hii haingedhihirika bila mchango wa Profesa Bordieu. Tunashukuru vile vile watoji msaada wawili waliotusaidia kwa moyo mkunjufu. Hawa hawakutaka majina yao yatajwe.

Kwa hawa wote twasema, akhsanteni.

Timu yetu